Data polita aukeratu du nire lankidea eta laguna den Xa2 Diaz busturiarrak (busturiarra jaiotzez, txantxikua lanbidez eta kosmopolita filosofiaz) bere blogari hasiera ofiziala emateko. Oñatiko ikastolan lan egin arren ordiziako “ohorezko IKTeroa” dela esan dezaket munduko harrotasun handienarekin: jasotzearen zain egotea baino ematea nahiago duen horietakoa da Xa2.
Bera eta Xabier Maiza (beste fenomeno bat) ikastolen federazioko IKASDAT eta IKASWEB aplikazioen garapen teknikoaren arduradun nagusiak dira. Aplikazio hauen garapenean ikastolako kide guztien partaidetza bultzatu nahiean sortu du Xa2k IKET bloga. Blogari.net plataforma gainean eraikia, lehen inpresioa benetan atsegina izan da. Blog honen atzean dagoen filosofia ulertzeko hona hemen bertan irakurri dudanaren zati bat:
Hire ekarpenen zain egongo gaituk eta, ahal dugun guztietan, gure laguntza eskaintzako prest egongo gaitukela jakinarazi nahi diat.nere asmoa blog honetan Informazio eta Komunikazio Teknologien bloga egitea da. Baina, euskaldunok zertarako erabiltzen ditugu komunikazio tresna denak (txikiteotik hasita IP bidezko telefonoetara…)? Eztabaidarako noski, eta horretarako ere izango da blog hau. Asmoa hori da behintzat baina hauek ere, usteak bezala, erdia ustel?
Bukatzeko galdera bat: abisatu al duk etxean zelako “enbolatuan” sartu haizen? 
Zabaldu
Spanish
Osteguna, 2005ko abenduaren 1a