CSS
Eguberriko oporretan, ikasleekin burutu beharreko web diseinu eta irisgarritasunari buruzko lanketa prestatzen hasi nintzenean, ez nuen uste horrenbesterako emango zuenik. Hasierako asmoa oinarrizko kontzeptu batzuk jasotzea besterik ez zen arren, berehala ohartu nintzen gai oso zabal eta ahalmen handiko baten aurrean nengoela. Nire ezjakintasun ikaragarriaren aurrean, nire jakin-mina gailendu zen eta ikertzeari ekin nion.CSSa erabiliz, web irisgarriak eraiki
Lehenengo zailtasuna aurkitutako informazio, ia guztia, ingelesez zegoela, baina nire ingeles eskasa eta Babel Fish-en laguntzaz, nola hala moldatu nintzen. Bigarrena eta, zalantzarik gabe, larriena, nire ezagutza maila kaxkarra. Baina, badakizue, ezjakintasuna gaitz ugariren iturburua izan bada ere, ausarta ere bada. Mila proba, mila ahalegin eta orduak, bata bestearen atzetik, behar izan nituen nire lehenengo lantxoa burutzeko.Honekin, ohartu nintzen Internet Explorer zer den eta web estandarrak nola “betetzen” dituen. Eta horrek Firefox-en defendatzaile sutsuagoa bihurtu ninduen. Nire ikasle batzuek, Firefox-eko akzioak ote ditudan galdetzen didate.
Lan horren atzetik, beste batzuk iritsi ziren eta, guztien eskura jartzearren, Lehen Hezkuntzako blogean dugun Informatika atalean argitaratu nituen.Honatx horietako batzuk:
Orain, “Lightbox” izeneko efektu polita ikusgai jartzen dizuet. Efektu hori ikusteko, argazkien gainean klik egin beharko duzu eta ixteko, berriro klikatu bere gainean. Hau, bereziki, Jolausi eskaini nahi diot. Izan ere, mila ahalegin egin ondoren, amore eman nuenean, Jolausek bidalitako mezu batek zirikatu ninduen eta lanean jarri ninduen berriro. Azkenean, lortu nuen eta Internet Explorer-ekin nituen arazoak gainditzea ere lortu nuen.
Aktualizazioa: Azken efektu hau nola egiten den ikusteko, azalpenak hemen
Zabaldu
Spanish
sei(e)k zera dio:
Aupa, magic! Izugarria egin duzun lana, bene-benetan… Zure azalpen gardenei jarraituz, aurreko batean barra horizontala “euskaljakintzan” jarri nuen eta nire ikasleei ikaragarri gustatu zaie.
Ez duzuna aipatu taulak egitekoa da eta horrekin hasteko asmoa nuen…Dena den, pixkana-pixkana denak probatzeko asmoa dudanez, argazki maparekin hasiko naiz. Adi, magic! Mendekua sekulakoa izango da!!!
jolaus(e)k zera dio:
Gure irakurleetako batek Wordpress erabiltzen badu hemen aurki dezake Lightbox js plugina. Oso erraz instalatzen da
sei(e)k zera dio:
Argazki mapak egitea korapilatsu samarra gerta daitekeenez, agian, horretan sakondu nahi duenari ikastaro hau baliagarri gerta dakioke (gaztelaniaz dago.