Honez gero pasa dira aste dezente nire eramangarrian Firefox nabigatzailearen 2.0 alpha 2 bertsioa instalatu nuenetik. Ez naiz ni aplikazio desberdinen alpha eta beta bertsioak probatzen ibiltzea gustatzen zaion horietakoa (seguraski gure ikastola barruan izandako hainbat esperientzi negargarrien ondorioz) baina bertsio berri honek aurkezten zituen abantailak hain interesgarriak izanik, nire ekipoan instalatzea erabaki nuen. Eta egia esan ez nago batere damututa hartutako erabakiaz. Nahiz eta alpha bertsioa izan ez dut oraindik arazo bat ere izan; orriak primeran kargatzen ditu eta nabigatzeak ez du arazo berezirik suposatzen. Nahiko nuke, bai, nire eskuetatik pasa diren alfa eta beta aplikazio asko Firefox bezain fidagarriak izatea! Aurretik martxan nituen ia zerbitzu guztiak jarraitzen zuten erabilgarri bi atal nagusi ezik: alpha bertsio berri hau ingelesez bakarrik erabil zitekeen eta aurrekoarekin erabiltzen nituen gehigarri gehienak ez ziren bateragarriak 2.0 bertsioarekin. Tira, Firefoxen aukera berriak probatzearen ondorioz ordaindu beharreko bidesaria bezala hartu nuen.
Baina atzo, duela gutxi kaleratutako Beta 1 bertsioa instalatzera nihoala albiste honekin egin nuen topo. Bertan 1.5ean instalatutako gehigarriak 2.0n erabilgarriak bihurtzen dituen Nightly Tester Tools izeneko beste gehigarri baten inguruko informazioa ematen zen. Honen bitartez, gehigarriak aktibatzea oso erraza da; lehenik gehigarria hemendik jaitsi, instalatu eta Firefox berrabiarazi. Ondoren, “Tresnak” (Tools) menura jo eta “Gehigarriak” (Add-ons) azpimenuan klik egin. Jarraian irekitzen den leihotxoan botoi berri bat ikusiko duzu “Make all compatible” izenekoa. Botoi hau sakatu eta nabigatzailea berrabiarazi. Listo!
Poztu nintzen ikusi nuenean aspaldi erabili gabeko nire gehigarri guztiak hortxe nituela, betiko moduan, nire nabigatzaile faboritoari, berriro ere, balio erantsia gehitzeko prest. Nola demontre lortzen duen gehigarri honek bere helburua ideiarik ez, baina unetxo batez probatu ondoren, primeran zebiltzatela egiaztatu nuen. Eta zeintzuk dira nik erabiltzen ditudan gehigarria horiek?. Hona hemen zerrendatxoa:- del.icio.us
- DownThemAll!
- Gmail skins
- Google Browser Sync
- Goolge Toolbar for firefox
- IE Tab
- McAfee SiteAdvisor Firefox Extension
- Nightly Tester Tools
- Performancing
- Web Developer
- Xinha here!
Web Developer bezalako tresna bat berriro ere erabiltzeko aukera izatea gozada bat da. Programazio munduan ideiarik ez duen norbaitentzat tresna paregabea da web diseinuan lehen urratsak eman nahi baditu. Halere, zerrendan dauden guztien artean Google Browser Sync zen bereziki probatu nahi nuena, orain arte erabiltzeko aukerarik ez baitut izan. Gehigarri honek zure Firefoxen konfigurazioa orokorraren kopia bat bidaltzen du Googlek dituen zerbitzarietara: gehigarriak, gogokoak, hasiera orriak, azken saioan irekirik utzitako azken erlaitzak… Saioa amaitzen denean, dena jasota geratzen da. Horrela, gehigarria bera duen beste edozein ekipo batean Firefox irekitzen baduzu, nabigatzailea abiatzerakoan gordetako informazioa jasotzen du, nabigatzailearen konfigurazioaren klon bat kargatzen duelarik.
Hasiera batean interesgarria zirudien arren, buruari emanez hainbat eragozpen ikusten nituen. Gehiagarri honek ez du ezertarako balio ordenagailuak Firefoxik ez badu edota, nabigatzailea erabiltzeko aukera egonik, Google Browser Sync hori bera instalatuta ez badauka (horixe da, adibidez, HikHasiko ikastaroan gertatu zitzaiguna). Beraz, nola erabili Google Browser Sync?
Jarraitu irakurtzen: 1 2 3
Zabaldu
Spanish
Teketen(e)k zera dio:
Ez dut probatu baina… funtzionatu beharko luke
[AutoRun]Open=FIREFOX.exe
icon=icono.ico
FIREFOX (ez dakit portable firefoxen .exe fitxategiaren izena hau izango den, begiratu)
Esango didazu ea dabilen
jolaus(e)k zera dio:
Aupa Teketen
Honekin
[AutoRun]Open=PortableFirefox.exe
icon=icono.ico
eta honekin
[AutoRun]Open=PortableAppsPortableFirefox.exe
icon=icono.ico
(PortableApps karpetan dago instalatuta PortableFirefox) probatu dut eta ezer ez.
Microsoft-en artikulu honetan dioenez
Ez dakit zer esan nahi duen “the device must not be marked as a removable media device” dionean. Bestalde, USBa automatikoki exekutatzen duten hainbat aplikazio aurkitu ditut, baina denak ordenagailuan instalatu beharrekoak dira. Nire nahia zuzenean USBtik aplikazioak abiaraztea da, lokalean instalatutako inongo bitartekorik gabe.
Eskerrik asko Teketen. Datorren ikasturterako nire ikasleek USB bana erabili beharko dute eta, infogelara datozenean, USB diska sartu bezain pronto, hainbat aplikazio abian jartzea nahiko nuke. Iraila bitarte badaukagu denbora nahikoa arazo honi irtenbidea aurkitzeko
zabaldu.com(e)k zera dio:
Firefox 2.0 Beta 1, gehigarriak eta USB autoexekutagarria. A ze pupurria!
IKTroetako batek Firefox 2.0ren beta probatu du. 1.5eko gehigarriak bertsio berri honetan erabili ahal izateko trikimailu bat kontatu du bere blogean, eta Firefoxa eta beste hainbat aplikazio USB gailu batean eramateko beste bat.
Teketen(e)k zera dio:
Aupa berriro,
). Ordaintzeko gogoak badituzue googlen sartu “usb autorun”. Probatu eta ea dabilen.
Soluzio posible batekin natorkizue oraingoan. Badirudi Windows XPk ez duela USB gailuen autorun funtziorik berez. (SCSI diskoei buruzko txapa bat ere irakurri dut horretarako). Historia guztian zehar bezala arazo baten aurrean soluzioak aurkitzen dira. Kasu honetan soluzioan programatxo forma dauka. http://www.softpedia.com/get/System/System-Miscellaneous/BUSRUNNER.shtml aurkitu ahal izango duzue. Freewarea da eta ez du birusik (ez da software librea ohhhhhhhh
Hala ere beste aukera bat ere okurritzen zait. Windows guztietan Inicio karpetaren barnean jartzen diren gauzak hasieran exekutatzen dira. Zer gertatuko litzateke bertan kanpoko usb disko bati egindako dei bat eginez gero… (usb-a ordenagailua piztu baino lehen barruan egon beharko luke), probatu daiteke.
Ea soluzio hauekin!
jolaus(e)k zera dio:
Iepa Gorka
Biekin probatu dut eta biekin primeran
. Nire asmoa, ordenagailuan ezer ukitu gabe USBa automatikoki exekutatzea zen, horrela ikasleek euren etxeetan dituzten ordenagailuetan ez lukete ezer berezirik egin behr izango. Baina, tira, badirudi ez dagoela beste irtenbiderik. Ikastolako ekipoetan aldaketa txiki hauek burutu beharko ditut.
Mila esker zure laguntzarengatik. Askotan hitz egiten dugu “euskal blogosferara”ri buruz baina gutxitan sentitzen dut izen horrek duen benetako esanahia: hire aportazioak argi eta garbi adierazten dik etiketen atzean badagoela elkari lagundu eta konpartitzeko konpromisu bat. Eskerrik asko Gorka