Betidanik, gogoko izan ditut mapak eta horregatik, gaur del.icio.us-en hau aurkitu dudanean, berehala bertara joan eta gure ikastolaren antipoda zein den jakin nahi izan dut.
Zoritxarrez, gure antipodetan ez dago beste ikastetxe edo hiririk beraiekin harremanetan jartzeko, itsasoa besterik ez dago, Zelanda Berriaren ekialdean dugun Ozeano Barea, hain zuzen ere.
Aplikazio hau Google Maps-en beste mashup bat besterik ez da eta bere erabilera oso erraza da: kontrolekin mapa mugitzen joan finkatu nahi duzun tokira iritsi arte. Automatikoki azpiko mapan adierazitako puntuaren antipoda agertuko zaizu. Gainera, mapen ezkerraldean, bi punturen koordenatuak agertuko zaizkizu.
Ez dakit zerbaitetarako balioko duen, baina baten batek erabileraren bat edo beste bilatuko dio, ziur.
Gunea: Antipodes Map
Zabaldu
Igandea, 2007ko ekainaren 24a