Duela hilabete batzuk TVEk Redes saioa bere programaziotik kenduko zuela iragarri zuen. Albiste hark haserre handiak eragin zituen jarraitzaileen artean. Erdal blogosferan mugimendu interesgarri bat eman zen Punset-en programa TVE-eko “parrillan” manten zedin. Antza denez, aldarrikapen hauek eragina izan zuten TVE-eko arduradunengan eta saioak bere horretan mantendu ziren (gaueko ordu txikietan ematen jarraitu zuten).
Pasa den apirilaren 20an programak bere 12. denboraldiarekin hasi da eta hara non topatu dudan igarpen honekin batera oso albiste interesgarria: hemendik aurrera programa guztiak ikusgai izango ditugu Vimeon (nire uste apalean, une honetan bideo kalitate onena eskaintzen duen web aplikazioa) sortu berri duten bideo kanal honetan. Albiste pozgarria programaren jarraitzaileak garenontzat; hemendik aurrera ez dugu gau-pasa gehiagorik egin behar izango. Nahikoa izango dugu kanal honen jariora harpidetzea eta gure agregatzailean jasoko ditugu saio guztiak nahi dugunean lasai-lasai ikusteko. iPod edo antzekoak dituztenek, jariotik jasotako bideoak zuzenean bertara pasa ahal izango dituzte. Ea EITBkoek antzeko erabakiren bat hartzen dute Teknopolis saioarekin.
Etiketak: tve zientzia dibulgazioa redes punset
Zabaldu
Spanish
jolaus(e)k zera dio:
Vimeon saltseatzen aritu naiz eta gauza interesgarri mordoa ikusi ditut. El Terrat-en kanala aurkitu dut, adibidez. Buenafuente gustukoa duenak hemen aurkituko du bideo sorta polita.
magic(e)k zera dio:
Lehen saioaren bideoa hemen bertan ikusi nahi baduzue, hemen bertan egin klik eta leihatila batean zabalduko zaizue.
danel(e)k zera dio:
Kaixo,
Teknopolis saioko bideo batzuk zientzia.net-eko multimedia atalean ipinita daude
http://www.zientzia.net/multimedia.asp