IKTeroak

Gauzak horrela, une goren horretara iritsi aurretik treba zitezen eta beldurrak nahiz lotsak alde batera utz zitzaten, teknologia berriek eskaintzen dituzten aukera apartez baliatzea ondo legokeela pentsatu nuen. Bakoitzari podomatic gunean podcast edo audioblog bat sortu eta, gutxienez, 5 mezu grabatzeko eskatu nien (minutu bateko mezuekin hasi eta 5 minutura arte). Horietako mezu bakoitzak aurretik aipatutako prozedura jarraitu behar zuen (sarrera, garapena, hitzuztea, eskema...). Zergatik podomatic? Podcastak sorzeko gune eta modu dezente badaude ere (odeo, Gcast, ClickCaster, gabcast...), denek ez dute blog bat eskaintzen eta horixe izan zen hautaketaren arrazoia. Nire helburua besteen aurrean hitz egiteko prestatzea zenez, ikasleek gune berezi hauek ezagutzea nahi nuen. Ez hori bakarrik, grabatu beharreko lanez gain, horren gustuko dituzten bideo, musika, eta abar sar zitzaketela konturatzea nahi nuen eta horri etekina ateratzea, noski. Hona hemen Podomatic-en kontu bat irekitzen eta grabazioak egiten azaltzen duen tutoriala.

Kontuan izan beharrekoak:

• Podomatic-eko mezuak etxean grabatuko zituzten (edozein arazo izanda han grabatzeko, atsedenetan ikastolan egin zezaketen).
• Euren audioblogetan grabatutako mezuek ebaluazioko azken emaitzan 2 puntuko balioa izango zuten, jendaurreko azken ahozko jardunak bezainbeste (aldez aurretik garbi utzi nuen txantiloi bitartez neurtuko nituen parametroak). Esan beharra dago ebaluazio honetan ez dugula, ohi den bezala, eduki kontzeptualen barneratzea neurtuko duen azterketa orokor bat egin. Horretaz luze mintza nintzateke. Izan ere, azterketa ez izanda ere edo juxtu horregatik, inoiz baino denbora, esfortzu, gogo eta lan gehiago eskaini baitiote gaiari. Puntu honek hausnarketa sakona eskatzen duenez, beste baterako utziko dut.

Hasierara joan

Jarraitu irakurtzen: 3.