IKTeroak

Menos mal que nos queda Portugal!

magic — Fri, 24 Apr 2009 12:47:15 +0000

Gaur, Bilbaon ospatzen ari den Nonick izeneko bilkuran, beste gauza askoren artean, Euro Blog Awards banatu dira.

“Eurovision” sistema bidezko bozketa bitxi horretan, epaile bakoitzak bat, bi eta hiru puntu banatu behar zituen. Guk 5 puntu lortu ditugu eta, horietatik, Portugaleko epaileak 3 eman dizkigu. Mila esker!!!

Irabazlea Alemaniako Netzpolitik bloga izan da eta Bideoblogen atalean, La Comuna izan da. Zorionak guztioi!!!

Portugaleko epaileak emandako hiru puntu horiek eskertzeko, Siniestro Total taldeak argitaratu zuen “Menos mal que nos queda Portugal” albumeko abesti ezagun honekin uzten zaituztegu. Bideoa Bilboko Kafe Antzokian grabatuta dago.

“Pixka bat es mucho” bene-benetan?

sei — Thu, 12 Feb 2009 23:27:37 +0000

Gaur goizean zur eta lur geratu naiz Administraziotik dei bat jasotzean. EGAko 2008ko azterketak saretik kentzeko eskatu didate, hori bai, egindako lana eta materialen baliagarritasuna aitortu ondoren. Liburu argitaratu berriak “bere ibilbidea egin arte” ezin izango dut denon eskura ipini, hau da, hemendik urte bat edo bi igaro arte nire ordenagailuan gorde beharko dut egindako lana, eta EGAko azterketariek ezingo dute eredu berria ezagutu liburua erosi ezean.

Oihartzun handia izan du egunotan ariketak sareratzearen kontua (1, 2, 3…); agi denez, bati baino gehiagori ondo letorkioke materiala klik batera izatea. Beraz, baliabide horiek erabiltzeko asmoa zenutenoi adierazi nahi dizuet, jasotako eskaera eta argudioekin bat ez etorri arren, onartzea baino ez zaidala geratzen eta oraintxe bertan saretik kenduko ditudala, Administrazioak atzera sareratzea begi onez ikusi arte. Dena den, hausnarketarako hainbat puntu utzi nahi dut:

Administrazioarekin bat egiten dugu gure hizkuntza lau haizeetara zabaltzeko asmoan. Agian, ameslari hutsak izateagatik, guk ez ditugu zailtasunak ikusten partekatzen dugun xedea lortze aldera.
Egindako lana eta materialen baliagarritasuna aitortuta, ez al luke Administrazioak berak material hori denon eskura doan ipini behar?
Hainbeste ordu, lan, giza eta ekonomia baliabide gure herrian euskara eta teknologia berriak sustatzeko, eta trabak ipini behar al dizkiogu bi horiek uztartzen dituen egitasmo eskuzabal bati?

Amaitzeko, garrantzitsuena baliabide hauek denon eskura egotea iruditzen zaigunez, egindako lan guztia Adminsitrazioaren esku ipini nahi dugu. “Pixka bat es mucho“, guk gehiago nahi dugu.

XXI. mendeko ikasleak

magic — Wed, 04 Feb 2009 18:30:20 +0000

Irakasle batzuek, euren ikastetxeetan dituzten baliabide eskasak aitzakiatzat jartzen duten bitartean, beste batzuek gure ikasleek beharko dituzten konpetentziak aurreikusi eta zabaltzen dute.

Wendy Drexler-ek azaroan argitaratu zuen bideo honek egundoko oihartzuna izan zuen sarean eta orain, DotSub guneari esker, azpitituluak euskaraz dauzkagu.

Ea ikasle eta irakasle konektibista gehiago azaltzen diren.

TCP/IP zer?

magic — Sat, 24 Jan 2009 11:06:14 +0000

Gure inguruko informatikoek eta sareetako arduradunek sarritan isilarazten digute euren jargoi ulertezin horrekin:

“Dena ongi dago, bakarrik firwall-ek proxy baten eraginez TCP protokoloa hautsi eta router-a berrabiarazi egin da. Ping bat egin dut eta pakete guztiak ongi iristen dira firewall-eraino. Beraz, dena konponduta.”

Horren aurrean, hobe ez erantzutea, ezta? Bada, El caparazon-en ikusi dudan bideo honekin, hobeto ulertuko dugu esaten diguten hori guztia. Guri adarra jotzen jarraituko dute?

Ordizia Elurretan

jolaus — Sat, 10 Jan 2009 17:40:11 +0000

Info gehiago: Elurretan

Gipuzkoako Kirolak saria Jakintza ikastolarentzat

jolaus — Tue, 23 Dec 2008 15:52:56 +0000

Gipuzkoako Foru Aldundiaren ustez, Jakintza ikastola izan da eskola kirola garatzeko orduan, gehien nabarmendu den ikastetxea amaitzear dagoen 2008ko urte honetan. Azken urte hauetan asko izan dira ikastolako kirol batzordean parte hartu duten kideak; horien guztien lanari esker jaso du gure ikastolak sari garrantzitsu hau. Lerro hauen bitartez gure ikastolako ikasleak zoriondu nahiko nituzke, txiki-txikitatik kirola egitearen aldeko jarrera hain garbia adierazteagatik; gure ikastolako gurasoak, kirola egitearen kultura euren seme-alabeei transmititzeaz gain, kirol formakuntzan ere parte hartzeagatik. Aipamen berezia ikastolako mendi irteerak antolatzen dituen guraso taldearentzat; ikaragarria da burutzen ari diren lana. Martxan duten bloga ikustea besterik ez dago egiten ari diren lanaren dimentsioa ulertzeko. Zorionak, zuena ere bada sariaren zati bat eta!

Irakasle asko izan dira ere, modu batera edo bestera kirolaren sustapenean euren laguntza eskaini dutenak. Zeregin honetan norbait nabarmendu beharko bagenu, hori Arantza De Juan irakaslea da. Urte piloa darama ikastolako kirol batzordeko arduradun nagusi bezala eta sari hau bere lanaren errekonozimendu publikoa suposatzen du. Lan eskerga Arantzak (eta bere famili osoak) burutzen duena, egun batean bai eta bestean ere bai, ikastolako ikasle guztiek kirola praktika dezaten. Zorionak Arantza! Zurea da sari honen atzean dagoen merezimendurik handiena. Eskerrak ematen dizkizut ikastolarekiko adierazten duzun konpromiso eta egiten duzun lanarengatik. Mila esker!

Hementxe dituzue atzo bertan ateratako argazkien diaporama. Ea gustukoak dituzuen!

Euskal Herriko ekonomiaren eta gizartearen atlasa

jolaus — Wed, 17 Dec 2008 06:34:26 +0000

Gaindegiak, Euskal Herriko ekonomia eta gizarte garapenerako behategiak, atlasa.net izeneko gune berria sortu du. Aurkezpenean dioenaren arabera…

…tresna honen helburua erabiltzaile ororen eskuetan informazio fidagarria jarri eta zerbitzua eskaintzea da. Hori dela eta, atlasa.net gunea aproposa da ekonomia eta gizarte alorreko profesional zein eragileentzat, nahiz hezkuntza mundurako. Lehenengo bertsio honetan, GAINDEGIAk, demografia, gizartea eta makro-ekonomiako adierazle bateratuen hautaketa eskaini du (ikus adierazleak gunea), baina asmoa, web aplikazioa eta informazioa eguneratzen eta osatzen joatea da.

Gure ikasleei ipintzen dizkiegun jarduera askotan gune honetan eskaintzen diren adierazle ezberdinen inguruko informazioa bilatzea eskatzen diegu. Jarduera hauen helburuetako bat liburu eta atlas ezberdinetan informazioa bilatzea izaten da. Baliabide berri honekin, datu horiek eskura izango dituzte klik gutxi batzuekin, beraz, jarduera hauen diseinuari ukitu batzuk ematea beharrezkoa izango da. Eta burura datorkit momentu honetan gure ikastolako 4. mailako ikasleek, Goierriko bailararen inguruan burutu berri duten proiektua.

Magic-ek informazio gehiago emango dizue honen inguruan.

Iturria: Zabaldu.com

Hezkuntza 2.0

magic — Sat, 13 Dec 2008 13:21:39 +0000

Horra hor, aspaldi honetan, Youtubetik “Hezkuntza 2.0″ delakoari buruz iristen ari zaizkidan bideoetako batzuk. Oso landuak eta kutsu profesionala dutela iruditzen zait. Zorionak bideo hauen guztien atzean daudenei.

Ikasleen manipulazioa

magic — Thu, 11 Dec 2008 19:55:48 +0000

David Bravoren blogean aurkitu dut Alderdi Pirataren gunean argitaratutako bideo “zoragarri” hau. Ez dakit gidoilaria Teddy Bautista izan den, baina lotsagabe bat izan behar du hori ume horien ahotan jarri duenak.

Onargarria al da horrelakoak egitea gure ikasleekin? Niri manipulazio hutsa iruditzen zait, baina zein da ikastetxeek jokatu beharko luketen rola gai horren aurrean?

Portzierto, EITBko medioetan zabaltzen ari den “Musikarekin bat” kanpaina ez al zaizue lotsagarri eta betiko topiko gezurtiaz beteriko kanpaina bat?

Pauso bat harago!! - ENE 2008

jolaus — Wed, 03 Dec 2008 08:30:03 +0000

Aktoreak: 8ak1 taldea

Zuzendari, errealizadore eta bideo editorea: Koro Irastorza

EGUNERAKETA:

Esatariak: Batxi 1eko eta LH2ko ikasleak

Zuzendari eta audio editorea: Urko Mitxelena