Zure identifikatzailea eskuratu nahi baduzu zoaz Fabian Flores-en webgunera. Hantxe dituzu beharrezko elementu guztiak zure agiria diseinatzeko

Gaurko bilerarako bilduta nituen hainbat erreferentziei errepasotxoa egiten ari nintzela, aprendizaia ez-formalaren inguruan nituen apuntetxo batzuk irakurtzerakoan gauza batek deitu dit atentzioa: bertan aipatzen zen gure gazteen prestakuntzan geroz eta garrantzia handiagoa duela ohiko ezagutza nukleo klasikoetatik (eskola eta fakultateak) kanpo geratzen diren informazioa iturriak, alegia, modu informalean jasotzen dutena: aldizkari, telebista, mota guztietako webguneak edota jokuetatik jaso dezaketena. Hemen aipatu dituen beste hainbeste informazio iturri gehiago aipatzen baziren ere, jokuen adibidea da bereziki “moska” utzi nauena. Benetan gure ikasleek lor ditzakete hainbestetan aipatzen ditugun konpetentziak (oinarrizkoak zein espezifikoak) jokuetan arituz? Demontre, zertan ari naiz ba ni, nire semeari Minijuegosetik urruti ibili behar duela esanez? Tira, txantxak alde batera utziz, burura etorri zaizkit azkenaldian nire del.icio.us-eko kontuan bildu ditudan joku batzuk. Joku hauek guztiek ezaugarri komunak dituzte:

1. Ordenagailuko jokuak baldin badira ere, hauen erabilera arkatz edota margo “birtualen” erabileran oinarritzen da. Horrela, ikasle batek euskarridigitalaren gainean marraztu edo margotu besterik ez du egin behar.
2. Jokatzeko prozedura zein den ikusita, primerako jokuak dira arbel digital interaktibo edota Tablet PC batzuekin erabiltzeko.
3. Guztietan forma eta kolore ezberdineko gorputzen arteko interakzioak ematen dira. Gorputzek higitu, erori, biratu, arrastatu, talka egin eta elkarrekin interakzionatzen dute, prozesu honetan grabitatearen eragina klabea delarik. Hori dela eta, oso joku aproposak iruditzen zaizkit gorputzen arteko elkarrekintzak aztertzeko, talken azterketa eta mugimendu motak orokorrean: fisika arloan txertatzeko modukoak direla iruditzen zait.
4. Joku hauek erabilgarriak izan daitezke Lehen Hezkuntzatik hasita Batxilergorarte.

Hementxe doa zerrendatxoa:

• Phun: zuetako askok dagoeneko ezagutuko duzue. Ikasle suediar batek karrera amaierarako garatutako proiektuaren emaitza da. Jokua ordenagailuan instalatuta behar da; Windows, MacOS eta GNU/Linuxperako bertsioak daude. Nik Ubuntun instalatu dut eta arazorik gabe dabil. Duen interfazea (gaztetxoenentzat ez da oso erakargarria) eta eskaintzen dituen aukeren (elementu mordoa) arabera egokia ikasle helduenekin erabiltzeko dela iruditzen zait. Hona hemen bideo bat:
  

  Hemen bideo gehiago.

• Crayon Phisics: aurreko batean eman genuen, blog honetan bertan, joku honen berri. Oinarrizko bertsioa da oraindik deskargatu daitekeen bakarra baina laister kaleratuko omen dute Deluxe bertsioa. Egokiago ikasle gaztetxoentzat, Lehen hezkuntzako azken ziklokoentzat, adibidez. Bila aritu banaiz ere, ez dut inon aurkitu zein plataformarako diseinatuta dagoen baina nik esango nuke Windowsen soilik erabil daitekeela. Hona beste bideo bat:
  

  Hemen bideo gehiago.

• ScribbleWip: harrigarria da joku honekin gertatu zaidana. Pizarra Dixital izeneko blogan bere erreferentzia aurkitu dut baina ez dut inon topatu non demontre dagoen joku honen arduradunen webgunea. Gehienera ere jokua nondik jaitsi daitekeen aurkitzera heldu naiz. YouTubeko lotura honetan adierazten denez, jokua zip formatuan hemendik deskarga daiteke. Nik jaitsi dut eta bertan windowserako exekutagarria aurkitu dut bakarrik. Lehen begirada batean, aurrekoaren antza handia daukala esan daiteke. Agian ScribbleWip egokiagoa izan daiteke arbel digital interaktiboan erabiltzeko; Crayon Phisycs, berriz, Tablet PC batean. Hementxe beste bideo bat:
  
• Magic Pen: flashen egindako web joku bat da. Horrek esan nahi edozein ekipotik erabil daitekeela arazorik gabe (interneteko konexio ona behar da). Egokiena arkatz digitalak erabiltzea bada ere, saguarekin ere arazo gehiegirik gabe jokatu daiteke. Erabilitako marrazki eta paisaiek ume txikientzako zuzendutako jokua dela garbia uzten dute. Joku honek, besteek ez bezala, marraztu behar diren irudien ereduak eskaintzen dira, umeari laguntzeko irudia marrazterakoan.

Probatu nahi badituzue aurrera. Eta horrelakorik zuen curriculumean txertatzeko asmoa baldin badaukazue, primeran. Zuen ekarpenen zain geratzen gara.

OHARRA: eskerrik asko Xa2 eta Mikeli zuen ekarpenengatik

Etiketak: ubuntu, 8.04, hardy heron, GNU/Linux

Pasa den apirilaren 20an programak bere 12. denboraldiarekin hasi da eta hara non topatu dudan igarpen honekin batera oso albiste interesgarria: hemendik aurrera programa guztiak ikusgai izango ditugu Vimeon (nire uste apalean, une honetan bideo kalitate onena eskaintzen duen web aplikazioa) sortu berri duten bideo kanal honetan. Albiste pozgarria programaren jarraitzaileak garenontzat; hemendik aurrera ez dugu gau-pasa gehiagorik egin behar izango. Nahikoa izango dugu kanal honen jariora harpidetzea eta gure agregatzailean jasoko ditugu saio guztiak nahi dugunean lasai-lasai ikusteko. iPod edo antzekoak dituztenek, jariotik jasotako bideoak zuzenean bertara pasa ahal izango dituzte. Ea EITBkoek antzeko erabakiren bat hartzen dute Teknopolis saioarekin.

Etiketak: tve zientzia dibulgazioa redes punset

Baina Google-ek Gears kalean ipini zuenetik hau dena aldatu egin da. Biek dakite arrakastaren muina bi ingurune horien uztarketan datzala, burruka horretan garaile ateratzea nahi badute, PC eta webaren arteko sinkronizazioan urratsak ematea derrigorrezkoa dela. Microsoftek oraintxe eman du helburu honen aldeko urrats garrantzitsua: Microsofts Mesh ipini dute kalean (oraindik beta fasean dena den). Honen bitartez, ekipo desberdin eta erabiltze desberdinen artean dokumentuak partekatu eta sinkronizatzeko gunea eskaintzen dute. Aplikazio honen inguruan informazio gehiago daukazue Live Mesh izeneko gunean. Estrategikoki mugimendu garrantzitsua egin dutela ezin da ukatu; gauzak ondo egiten badituzte, Googlei aurre egiteko baliabide potentea izatera heldu daiteke.

Etiquetas: googlemicrosoft mesh gears sinkronizazioa

Google berritzen jarraitzen du, eta horaingo honetan, funtzio berri batekin datorkigu: lurralde batzuetan, Amerikako Estatu Batuak-o (AEB) inguruan adibidez, trafikoa iragartzeko aukera ematen digu. Ea zortea pixka batekin, hemendik gutxira ikusten dugun aukera hau hemen.

Dirudienez iragarpenak, kontsultatzen ari garen kale edo lurralde eremu berdinean, aurreko egunetan gertatutako trafiko datuetan oinarritzen dira.

Dena den, beti bota dut faltan wikiak pertsonalizatzeko aukera handiagoa. Zerbitzuak eskaintzen dituen diseinu propioak oso gutxi eta, era berean, nahiko kaxkarrak dira. Aplikazioaren ataria bera euskaratzeko ezinezkoa zen. Tira, horrek guztiak irtenbidea baduela konturatu nahiz gaur bertan. Honen inguruan gehiago jakin nahi duenak irakasleon txokoa den ZirIKTeroen gunean azaltzen da nola burutu daitekeen hau guztia.

Gunea, UNESCOren ekimen bat da eta kredituetan ikusi ahal izan dudanez, EHUko Marta Macho itzulpen lanetan aritu da. Gunea, Ingeleraz, Frantsesez, Gazteleraz eta Portugaleraz dago.